Le blog de l'équipe CC1

Ni onlo moun ja di nou yo kontan vwè nou rivé asi nichtwèl-la, é nou menn nou pli kontan ankô. Davwa lontan nou ka di fo té ni on dot jan nouvel an bannzil karayib-la. Men nou sav nou pa ni pwémyé ,ni dényé, ki débaké…


Lanné pasé a lè konsa, Afarel Konfyan, é on krey moun Matnik, Gwadloup é dot péyi sanblé pou té voyé « Montray kréyol » asi nichtwél-la . Avan sa, té ja ni deotwa dot kontél « Bonda Man Jak», "Pyé piman-la», "Madininart", é nou ka di poko ni asé, péké jan ni asé…davwa, jodi -jou, fo ni piplis moun ka vin pwan nouvel si nichtwel-la. Alé kilé, estil a nouvel-la mofwazé, toupatou won latè, pani anki jounal maké, jounal palé é jounal gadé: nichtwél -la tou sél ay ka ba w tou sa. Kidonk, Carib Creole One sé bik a nouvel a tout bannzil karayib-la : ki anglé, ki an pannyol, fwansé oben kréyol, nou ké ba nouvel –la balan, pou tout moun sav sa ka pasé toupatou.. davwa pou nou karayib-la , sé yonn é sé osit yonn a lot. Nou ka di a pa ni anglé, ni fwansé, ni pannyol, oben olandé, ki pwemyé fondas an nou davwa adan tout bannzil karayib-la, ,nou ni on biten ki pi o fon, é ki la dépi tan a lestravaj : sé lespri kréyol, an nou bay balan !


Krey CC1